Қазақстанда жаңа Lynk & Co 08 EM-P сатылымы басталды

Lynk & Co Қазақстанда жаңа флагмандық гибридті кроссовер Lynk & Co 08 EM-P сатылымының басталғанын хабарлайды. Модель Алматы, Астана және Шымкент қалаларындағы брендтің дилерлік орталықтарында Pro және Halo жиынтықтамаларында қолжетімді.

Lynk & Co 08 EM-P заманауи гибридті технологияларды, динамиканы және премиалды жайлылық деңгейін біріктіреді. Кроссовер 1,5 литрлік турбокомпрессорлы қозғалтқыш пен электрмоторды біріктіретін EM-P интеллектуалды жүйесімен жабдықталған. Жалпы қуаты 350 а.к. құрайды, ал 100 км/сағ жылдамдыққа дейін үдеуі 6,75 секунд.

Жалпы жүріс қоры 1 100 км-ге дейін жетеді, оның ішінде WLTC циклі бойынша электр режимінде 200 км-ге дейін жүруге болады. Жылдам зарядтау батареяны 30%-дан 80%-ға дейін шамамен 28 минутта толықтыруға мүмкіндік береді.

«Бүгінгі таңда клиенттер гибридті көліктерді қазіргі өмір ырғағына ең тиімді шешім ретінде көбірек таңдайды. Lynk & Co 08 EM-P нарықтың осы жаңа сұранысын бейнелей отырып, интеллектуалды технологияларды, жоғары жайлылық деңгейін және шектеусіз қозғалыс еркіндігін ұсынады», — деп атап өтті Айгерім Төлегенова, Қазақстандағы Lynk & Co дистрибуция директоры.

Базалық Pro жиынтықтамасында панорамалық шатыр, 15,4 дюймдік мультимедиялық жүйе, цифрлық аспаптар панелі, алдыңғы орындықтарды желдету және екі аймақты климат-бақылау қарастырылған.

Halo нұсқасы Nappa былғарысымен қапталған интерьерді, алдыңғы орындықтардың массаж және желдету функцияларын, матрицалық оптиканы, 23 динамикалы Harman/Kardon аудиожүйесін және 21 дюймдік дөңгелек дискілерін ұсынады.

Lynk & Co 08 EM-P Қазақстанда Pro нұсқасы үшін 21 890 000 теңгеден, Halo нұсқасы үшін 22 890 000 теңгеден басталады.

Іске қосу аясында сәуір айының соңына дейін 2 000 000 теңгеге дейін жеңілдік қарастырылған. Алғашқы 15 сатып алушы техникалық қызмет көрсету сертификаты мен зарядтау картасын алады.